நீங்கள் தேடியது "பிபா உலகக்கோப்பை"

உலகக்கோப்பை கால்பந்து திருவிழா ஜூன் 14-ந்தேதி முதல் ஜூலை 15-ந்தேதி வரை ரஷியாவில் நடைபெற்றது. இதில் பிரான்ஸ் வெற்றி பெற்ற கோப்பையை கைப்பற்றியது. குரோசியா 2-வது இடம் பிடித்தது.

ரஷியாவில் வெளிநாட்டைச் சேர்ந்தவர்கள் நுழைவதற்கு பல்வேறு கட்டுப்பாடுகள் உண்டு. ஆனால் உலகக்கோப்பை தொடரை காண்பதற்காக ரசிகர்கள் அதிக அளவில் ரஷியா வரவேண்டும் என்பதற்காக அதிபர் புதின் பல்வேறு சலுகைகள் வழங்கினார்.



இதனால் வெளிநாட்டில் இருந்து ஏராளமான ரசிகர்கள் போட்டியை ரசிப்பதற்காக ரஷியாவில் குவிந்தனர். அதேபோல் உள்ளூர் ரசிகர்களும் அதிக அளவில் நேரில் சென்று போட்டியை ரசித்தார்கள்.



ஒட்டுமொத்த போட்டிகளையும் 77 லட்சம் ரசிகர்கள் நேரில் பார்த்து ரசித்துள்ளனர். பிரேசிலில் கடந்த 2014-ம் ஆண்டு நடைபெற்ற உலகக்கோப்பையை பார்த்த ரசிகளின் எண்ணிக்கையை விட 25 லட்சம் அதிகமாகும்.

உலகக்கோப்பை கால்பந்து திருவிழா ரஷியாவில் நடைபெற்ற வருகிறது. லீக், நாக்அவுட் சுற்றுகள் முடிந்து இன்று காலிறுதி ஆட்டங்கள் தொடங்கின. பிரான்ஸ் - உருகுவே மோதும் முதல் ஆட்டம் இந்திய நேரப்படி இரவு 7.30 மணிக்கு தொடங்கியது. உருகுவே அணியில் காயம் காரணமாக கவானி களம் இறங்கவில்லை. பிரான்ஸ் அணி முழு பலத்துடன் களம் இறங்கியது.

தொடக்கம் முதலே பிரான்ஸ் அணி ஆதிக்கம் செலுத்தின. ஆனால் உருகுவே அணியின் டிபென்ஸ்-ஆல் பிரான்ஸ் கோல் அடிக்க திணறின. இதற்கிடையே உருகுவே அணியும் கோல் அடிக்க முயற்சி செய்தன.



ஆட்டத்தின் 40-வது நிமிடத்தில் பிரான்ஸ் அணிக்கு ப்ரீ ஹிக் வாய்ப்பு கிடைத்தது. கிரிஸ்மான் பந்தை உதைக்க வரானே அதை தலையால் முட்டி கோலாக்கினார். இதனால் பிரான்ஸ் 1-0 என முன்னிலைப் பெற்றது. அதன்பின் உருகுவே அணியால் கோல் அடிக்க இயலவில்லை. ஆகுவே, முதல் பாதி நேரத்தில் பிரான்ஸ் 1-0 என முன்னிலைப் பெற்றுள்ளது.

பந்து 58 சதவிதம் பிரான்ஸ் அணியிடமே இருந்தது. இருந்தாலும் உருகுவே 7 முறை முயற்சி செய்தது. உருகுவே நான்கு முறை ஆன்டார்கெட் செய்தது. பிரான்ஸ் ஒருமுறைதான் ஆன்டார்கெட் செய்தது.

உலகக்கோப்பை கால்பந்து தொடர் ரஷியாவில் நடைபெற்று வருகிறது. நேற்று நடைபெற்ற ஆட்டத்தில் ஸ்பெயின் - ரஷியா அணிகள் பலப்பரீட்சை நடத்தின.

நிர்ணயிக்கப்பட்ட 90 நிமிடத்திலும், அதன்பின் வழங்கிய 30 நிமிட கூடுதல் நேரத்திலும் இரு அணிகளும் 1-1 என சமநிலைப் பெற்றது. இதனால் பெனால்டி ஷூட்அவுட் முறை கடைபிடிக்கப்பட்டது. இதில் ரஷியா 4-3 என வெற்றி பெற்று காலிறுதிக்கு முன்னேறியது.

அனுபவ வீரர்களை கொண்ட ஸ்பெயின் அணி உலகக்கோப்பை லீக் ஆட்டத்தில் இருந்தே தடுமாறியது. அந்த அணியின் முன்னணி வீரர்களின் மீது எழுந்த கடும் விமர்சனைத்தை தொடர்ந்து 34 வயதான இனியஸ்டா சர்வதேச போட்டியில் இருந்து ஓய்வு பெறுவதாக அறிவித்துள்ளார்.



இவர் ஸ்பெயின் அணிக்காக 131 போட்டிகளில் விளையாடி 13 கோல்கள் அடித்துள்ளார். 2002-ல் இருந்து இந்த சீசன் வரை பார்சிலோனா அணிக்காக விளையாடி வந்த இனியஸ்டா, 442 போட்டிகளில் 35 கோல்கள் அடித்துள்ளார். இவர் தலைசிறந்த மிட்பீல்டர் ஆவார்.

உலகக்கோப்பை கால்பந்து தொடர் ரஷியாவில் நடைபெற்று வருகிறது. லீக் ஆட்டங்கள் முடிவடைந்து தற்போது காலிறுதிக்கு முந்தைய சுற்றான நாக்அவுட் நடைபெற்று வருகிறது.

நேற்று நடைபெற்ற ஸ்பெயின் - ரஷியா இடையிலான ஆட்டத்தின்போது பிரான்ஸ்க்கு முதல் கோல் ஓன் கோல் மூலம் கிடைத்ததாகும். இந்த கோல் மூலம் ஸ்பெயின் 1-0 என முன்னிலைப் பெற்றது. அதன்பின் ரஷியா ஒரு கோல் அடிக்க ஆட்டம் 1-1 என டிராவில் முடிந்தது. பின்னர் நடைபெற்ற பெனால்டி ஷூட் அவுட் முறையில் ரஷியா வெற்றி பெற்றது. இந்த உலகக்கோப்பையில் பல்வேறு வரலாற்றுச் சாதனைகள் உடைக்கப்பட்டு வருகின்றன.



இந்த உலகக்கோப்பையில்தான் அதிக அளவு பெனால்டி கொடுக்கப்பட்டது. அதேபோல் அதிக ஓன் கோல் விழுந்ததும் இந்த உலகக்கோப்பையில்தான். இதுவரை 10 ஓன் கோல் போடப்பட்டுள்ளது. இதற்கு முன் 1998-ல் 6 ஓன் கோலும், 2014-ல் 5 ஓன் கோலும், 2006 உலகக்கோப்பையில் 4 ஓன்கோலும், 1954 உலகக்கோப்பையில் 4 ஓன்கோலும் விழுந்தது. தற்போது அனைத்தையும் மிஞ்சிவிட்டது ரஷியா உலகக்கோப்பை.

உலகக்கோப்பை கால்பந்து தொடர் ரஷியாவில் நடைபெற்று வருகிறது. ‘ஜி’ பிரிவில் இடம் பிடித்துள்ள இங்கிலாந்து - பெல்ஜியம் அணிகள் இன்றிரவு 11.30 மணிக்கு மோதுகின்றன.

இரண்டு அணிகளும் முதலிடம் பிடிப்பது யார் என்பதற்காக மோதுகின்றன. வெற்றித் தோல்வியால் எந்த பாதிப்பும் இருக்காது. பெல்ஜியம் கடந்த சனிக்கிழமை துனிசியாவை எதிர்கொண்டது. இதில் பெல்ஜியம் 5-2 என வெற்றி பெற்றது. இந்த போட்டியின்போது பெல்ஜியத்தின் முன்னணி வீரரான ரொமேலு லுகாகுவிற்கு முழங்காலில் காயம் ஏற்பட்டது.



இதனால் இந்த வாரத்தில் லுகாகு பயிற்சி மேற்கொள்ளவில்லை. இந்நிலையில் இன்று நடைபெறும் முக்கியத்துவம் இல்லாத போட்டியில் லுகாகு பங்கேற்கமாட்டார் என்று கூறப்படுகிறது.

உலகக்கோப்பை கால்பந்து தொடர் ரஷியாவில் நடைபெற்று வருகிறது. இதில் நடப்பு சாம்பியனான ஜெர்மனி தொடர்ந்து 2-வது முறையாக கோப்பையை வென்று வரலாற்று சாதனைப் படைக்கும் என ரசிகர்கள் எதிர்பார்த்த நிலையில், அடுத்த சுற்றுக்கு அந்த அணி முன்னேறுமா? என்ற அச்சத்தில் ஜெர்மனி அணி உள்ளது.

பிரான்ஸ், இத்தாலி, ஸ்பெயின் அணிகள் கோப்பையை வென்ற அடுத்த வருடம் தொடக்க சுற்றோடு வெளியேறின. இந்த மோசமான சாதனையில் ஜெர்மனி சேர்ந்து விடக்கூடாது என ரசிகர்கள் நினைக்கிறார்கள். இதற்கான வாய்ப்பு உள்ளது என்பதால்தான் ரசிகர்களின் இந்த நினைப்பிற்குக் காரணம்.

ஜெர்மனி இடம்பிடித்துள்ள குரூப் ‘எஃப்’ பிரிவில் மெக்சிகோ, ஸ்வீடன், தென்கொரியா அணிகள் இடம்பிடித்துள்ளன. ஜெர்மனி தனது தொடக்க ஆட்டத்தில் மெக்சிகோவிடம் 0-1 என வீழ்ந்தது. இதனால் அந்த அணிக்கு பெரிய சிக்கல் ஏற்பட்டது. இருந்தாலும் 2-வது ஆட்டத்தில் ஸ்வீடனை 2-1 என வீழ்த்தியது.

இந்த பிரிவில் நான்கு அணிகளும் தலா இரண்டு போட்டிகளில் விளையாடியுள்ளன. மெக்சிகோ இரண்டு வெற்றியுடன் 6 புள்ளிகள் பெற்று முதல் இடத்தில் உள்ளது. ஜெர்மனி தலா ஒரு வெற்றி, தோல்வி மூலம் 3 புள்ளிகள் பெற்று 2-வது இடத்தில் உள்ளது. ஸ்வீடன் தலா ஒரு வெற்றி, தோல்வி மூலம் 3 புள்ளிகள் பெற்று 3-வது இடத்தில் உள்ளது. தென்கொரியா இரண்டு போட்டியிலும் தோல்வியடைந்து கடைசி இடத்தில் உள்ளது.

இன்று நான்கு அணிகளும் கடைசி லீக் ஆட்டத்தில் விளையாடுகின்றன. மெக்சிகோ ஸ்வீடனையும், ஜெர்மனி தென்கொரியாவையும் எதிர்கொள்கின்றன. ஜெர்மனி தென்கொரியாவை கட்டாயம் வீழ்த்தியாகவே வேண்டும். அப்போதுதான் நாக்அவுட் சுற்றை எதிர்பார்க்க முடியும். அதேவேளையில் ஸ்வீடன் மெக்சிகோவை வீழ்த்திவிட்டால் ஜெர்மனிக்கு கோல் அடிப்படையில்தான் வாய்ப்பு கிடைக்கும்.



ஜெர்மனிக்கு இருக்கும் பிரகாசமாக வாய்ப்பு, மெக்சிகோ ஸ்வீடனை வீழ்த்த வேண்டும். அதேவேளையில் ஜெர்மனி தென்கொரியாவிற்கு எதிராக வெற்றி அல்லது டிரா செய்ய வேண்டும். இல்லையெனில் தொடக்க சுற்றோடு வெளியேற வெண்டியதுதான்.

பிரான்ஸ் 1998-ம் ஆண்டு உலகக்கோப்பையை கைப்பற்றியது. 2002-ல் தொடக்க சுற்றோடு வெளியேறினார். இத்தாலி 2006-ல் உலகக்கோப்பையை கைப்பற்றியது. 2010-ல் தொடக்க சுற்றோடு வெளியேறியது. ஸ்பெயின் 2010-ல் உலகக்கோப்பையை கைப்பற்றியது. 2014-ல் தொடக்க சுற்றோடு வெளியேறியது.

ரஷியாவில் அடுத்த மாதம் 14-ந்தேதி முதல் ஜூலை 15-ந்தேதி வரை உலகக்கோப்பை கால்பந்து தொடர் நடைபெற இருக்கிறது. இதில் 32 அணிகள் பலப்பரீட்சை நடத்துகின்றன. ஒவ்வொரு நாடும் தங்களது அணியில் இடம்பிடித்துள்ள வீரர்கள் பட்டியலை வெளியிட்டுள்ளது.



இந்நிலையில் இங்கிலாந்து அணி ஹேர் கேன்-ஐ கேப்டனாக நியமித்துள்ளது. ஹரி கேன் இங்கிலீஷ் பிரீமியர் லீக் தொடரில் டோட்டன்ஹாம் ஹாட்ஸ்பர் அணிக்காக விளையாடி வருகிறது. இந்த சீசனில் 30 கோல் அடித்து அசத்தியுள்ளார். இவரது ஆட்டத்தால் டோட்டன்ன்ஹாம் ஹாட்ஸ்பர் அணி சாம்பியன்ஸ் லீக் தொடரில் விளையாட தகுதி பெற்றுள்ளது.